Inkomo sezisifa eZansi yemaNdebeleni ngenxa yemikhuhlane etshiyeneyo edalwa yimikhaza. Abafuyi benkomo bathi kuyadingeka ukuthi uhulumende angenele ngokuphangisa ukuze kulondolozwe lezinkomo.
Ukufa kwenkomo lokhu kuza ngesikhathi inengi labafuyi lilokhu likhala ngenkomo ezafa nyakenye ngenxa yendlala lokusilela kwamanzi.
Kuthe kusiba lezulu elinengi lonyaka inengi labafuyi libe lokujabula okukhulu lisithi inkomo zisathola amadlelo kodwa sezikhala njalo ngoba imikhaza sidale imikhuhane etshiyeneyo osekubulele ezinye inkomo.
Your browser doesn’t support HTML5
UAlbert Ncube Uyalandisa
UMnu. Enart Mdlongwa umqondisi wogatsha lukahulumende olubona ngokunakekelwa kwezifuyo kathandanga ukuphendula imbuzo esimthumele yona ngaloludaba lokufa kwenkomo lokwehluleka kogatsha lwakhe ukudibhisa izifuyo.