Abakade bekhokhela ukutshengisela kokukhuthaza uzulu labosomabhizimusi ukuthi bangangeni elizweni ngenxa yomthetho onqabele uzulu ukuthi athenge impahla bathi ukutshengisela lokhu sekwaphela kulandela ukwekethisa umthetho okwenziwa nguhulumende.
Umkhokheli wenhlanganiso ye International Crossborder’s Association, uMnu. Dennis Juru utshele iStudio Seven ukuthi uzulu uselakho ukungena lempahla ayifunayo elizweni ethengwe emazweni.
“Siyabonga ukuthi igovernment ize yalalela izikhalazo zikazulu ngoba izinto sezingena kancane azingeni zonke, izinto ezifana lama grocery umuntu uyazibhadalela,” kutsho uJuru.
Your browser doesn’t support HTML5
Ingxoxo loMnu. Dennis Juru
Kunjalo nje, inhlanganiso elwela ilungelo labathengi, iConsumer Council of Zimbabwe ithi umthetho obusenqabela uzulu ukuthi angene lempahla ethengwe phandle kwelizwe iStatutory Instrument 164 ubangele ukuthi intengo yokudla ikhwele elizweni.
Sixoxe lesikhulumeli salinhlanganiso, uMnu. Comfort Muchekeza ukuze sizwe okunengi ngaloludaba.
“Silabanye abalungisa impahla elizweni lapha abahle bakhweza impahla le ngoba sebebona ukuthi labo abalungisa impahla ezifana lalezo abazithengisayo bengesenelisi ukuzingenisa elizweni,” kutsho uMuchekeza.
Your browser doesn’t support HTML5
Ingxoxo loMnu. Comfort Muchekeza