Intengo yamafutha ezimota isikhwelile njalo ngesikhathi intengo yempahla ebalulekileyo empilweni kazulu kanye lokudla ilokhu ikhuphuka mahlayana.
Ilitha eyodwa yedizili ikhwele ngama-cents eMelika amane isuka kuUS$1.34 isiya kuUS$1.38 kuthi ilitha yephethulo yona ikhwele ngama-centsi amabili isuka kuUS$1.38 isiya kuUS$1.40.
Lokhu kwenzakala ngesikhathi ugatsha lweZimStats lusithi imuli elabantu abayisithupha isidinga amadola eMelika angamakhulu phose amahlanu, $460, ngenyanga ukuze yenelise ukuphila kuhle.
Isiphathamandla senhlanganiso emela abathengi eyeNational Consumer Rights Association (NACORA) uMnu Effie Dlela Ncube utshele iStudio 7 ukuthi ukukhwela kwamafutha ezimota lokhu kuzabangela ukuqonga kwezinto zonke ezitolo.
Your browser doesn’t support HTML5
Ingxoxo loMnu Effie Dlela Ncube
Amazwi kaNcube agcizelelwe ngusomabhizimusi uMnu Edwin Ndlovu.
Your browser doesn’t support HTML5
Ingxoxo loMnu Edwin Ndlovu