Ibandla le DA Lakwele South Africa Lithi Kufakwe Imigoqo Yesikwelede seZimbabwe
Chris Gande
UMphathintambo Wezemali, UMnu.Tendai Biti
WASHINGTON DC —
Ibandla eliphikisayo kwele South Africa ele Democratic Alliance lithi kumele ele Zimbabwe lifakelwe imigoqo yezombusazwe andubana iphiwe isikwelede sezigidi ezilikhulu zamadollar-$100 million.
Imbiko ephuma emaphephandabeni akwele South Africa athi ibandla leDA lithi kumele uhulumende weZimbabwe athembise ukuba uzalandela isivumelwano seGlobal Political Agreement kube lokhetho olulokuthula andubana isikwelede lesi samukelwe.
Umphathintambo wezemali wakwele South Africa, uMnu. Pravin Gordhan uhlangane losowabo we Zimbabwe uMnu. Tendai Biti ngoLwesihlanu bekhulumisana ngesikwelede lesi esizasetshenziswa kukhetho lweReferendum kunye lokubhadala amabhonasi ezisebenzi zikahulumende.
Ibandla leDA lithi uhulumende wakwele South Africa kumele afake limgoqo njengalokhu elakwenzela eleSwaziland kunyanga ezisanda kwedlula.
Ingcwethi ecubungula ezombusazwe, uMnu. Zenzo Nkomo, utshele uChris Gande weStudio 7 ukuthi mpela okwenziwa yi DA kumqotho ngoba libandla eliphikisayo.
Your browser doesn’t support HTML5
Ingxoxo loMnu. Zenzo Nkomo
Enye njalo ingcwethi ecubungula ezombusazwe, uMnu. Brilliant Mhlanga uvumelane lembono kaNkomo wengezelela esithi lanxa izizalwane zakwele South Africa zikhonona ngesikwelede lesi imali le izaphednuka isizele iphathise abanengi kulakathesi.
