Impumela yemihloliso ye'A' Level elotshwe nyakenye isiphumile njalo ugatsha lweZIMSEC luthi abafundi abapasileyo bayisilinganiso sokungamatshumi ayisikhombisa lasithupha ekhulwini, 76 percent.
Luthi abafundi ababizwa ngokuthi ngama-school candidates abapasileyo bayi-87,6 percent kuthi ama-private candidates ayi-63, 7 percent.
Abafundi bayakhuthazwa ukuthi baye ezikolo ukuyathatha impumela yabo.
Kunjalo nje inhlanganiso yePTUZ isihambise uhulumende emthethwandaba ikhonona ngesinqumo sakhe sokubamba ababalisi abakukhefu ngamandla ukuthi baphenduke emsebenzini.
Isiphathamandla senhlanganiso le uMnu Vusumuzi Mahlangu utshele umsakazo lo ukuthi lanxa bejabula ngempumela yemihloliso, abafundi abanengi bebelakho ukupasa alubana uhulumende ubeqakathekisa ugatsha lwezemfundo.
Your browser doesn’t support HTML5
Ingxoxo loMnu Vusumuzi Mahlangu