Esigabeni sendaba eziphathelane lezizalwane zeZimbabwe ezihlala emazweni, liviki sihlolisisa imfundo yemazweni leye Zimbabwe.
UMnu. Hatinawedu Mupiwa, ijaha elakhula lihlupheka lisehluleka ukuthola inhlawulo yezifundo kodwa lacina lithola imali yezifundo zaphezulu eMelika, seliyenze izimanga.
UMupiwa okade esenza izifundo zama computer lesamu uthole imizuzo emithathu ezifundweni zakhe eBerea College kweleMelika. Ubengaphansi kohlelo lwezifundi ezivela emulini ezingatholiyo kangako, olweUnited States Student Achievers Program iUSAP.
Usethole umsebenzi ebhanga leGoldman Sachs kanye leGoogle njalo leMicrosoft. Uthi imfundo yeMelika isimvulele amathuba amanengi.
Kodwa-ke akunjalo kwele Zimbabwe leSouth Africa lapho okulezifundi zeZimbabwe ezithwele nzima ngokudinga imali yokubhadalela imfundo.
Ukuze sihlaziye udaba lolu sixoxe loMnu. Admire Nyoni owenza izifundo zendimi ezitshiyeneyo eUniversity of Zimbabwe loNkosazana Zandile Mpofu isizalwane seZimbabwe esifundela ukuba ligqwetha eUniversity of Kwazulu Natal kwele South Africa.
Your browser doesn’t support HTML5
Ingxoxo Esiyenze LoMnu. Admire Nyoni LoNkosazana Zandile Mpofu