Umlaleli we Studio 7 obevakatshele eSamende eBinga uthi akubonileyo kuzwisa usizi ngoba izakhamizi, ezigoqela asebegugile zikhanya zilambile njalo zihamba zidinga ukudla lomsebenzi.
WASHINGTON —
Ummeli weBinga North edale lephalamende uMnu. Prince Dubeko Sibanda wecele leMDC elikhokhelwa nguMnu. Morgan Tsvangirai uthi sewamangalela uhulumende emapholiseni ngokwabela abasekeli bebandla leZANU PF kuphela ukudla esigabeni sakhe, ngaphansi kohlelo lweGrain Loan Scheme.
Uhlelo lolu lukhangelelwe ukuncedisa abahlala ezigabeni ezingelazulu eleneleyo ngokuthola umumbu eziphaleni ze Grain Marketing Board.
USibanda uthi phakathi kwama ward alitshumi lanhlanu aweBinga North, kwabelwa iWard eyodwa kuphela ukudla, kukhethwa abasekeli bebandla leZANU PF kusukela ngomnyaka odluleyo.
UMnu. Sibanda uthi inengi labantu bakulesi isigaba bathi bayalamba kakhulu ngoba bengatholi isivuno eseneleyo kukanti lemisebenzi bengayitholi.
Kusenjalo, umlaleli we Studio 7 uMnu. Stanley Torima obevakatshele eSamende eBinga lamuhla ntambama uthi akubonileyo kuzwisa usizi ngoba izakhamizi, ezigoqela asebegugile zikhanya zilambile njalo zihamba zidinga ukudla lomsebenzi.
Siqale ngokuxoxa loMnu. Torima ngaloludaba, saphinda sakhuluma lezakhamizi zakulindawo.
UMnu. Prince Dubeko Sibanda wengezelele wathi inhlabathi ye Samende ilitshebetshebe, okubangela ukuthi kube lukhuni ukulima kulindawo.
Uhlelo lolu lukhangelelwe ukuncedisa abahlala ezigabeni ezingelazulu eleneleyo ngokuthola umumbu eziphaleni ze Grain Marketing Board.
USibanda uthi phakathi kwama ward alitshumi lanhlanu aweBinga North, kwabelwa iWard eyodwa kuphela ukudla, kukhethwa abasekeli bebandla leZANU PF kusukela ngomnyaka odluleyo.
UMnu. Sibanda uthi inengi labantu bakulesi isigaba bathi bayalamba kakhulu ngoba bengatholi isivuno eseneleyo kukanti lemisebenzi bengayitholi.
Your browser doesn’t support HTML5
Ingxoxo LoMnu. Prince Dubeko Sibanda
Kusenjalo, umlaleli we Studio 7 uMnu. Stanley Torima obevakatshele eSamende eBinga lamuhla ntambama uthi akubonileyo kuzwisa usizi ngoba izakhamizi, ezigoqela asebegugile zikhanya zilambile njalo zihamba zidinga ukudla lomsebenzi.
Siqale ngokuxoxa loMnu. Torima ngaloludaba, saphinda sakhuluma lezakhamizi zakulindawo.
Your browser doesn’t support HTML5
Lalela UMnu. Torima Lezakhamizi ZeSamende EBinga
UMnu. Prince Dubeko Sibanda wengezelele wathi inhlabathi ye Samende ilitshebetshebe, okubangela ukuthi kube lukhuni ukulima kulindawo.