Amapholisa alokhu evimbele abantu abazihlalisa eHyde Park Estates ngokungekho emthethweni ukuthi bengabuyeli kulindawo, kulandela ukudilizwa kwezindlu zabo yikhansili yakoBulawayo ngolweSihlanu olwedluleyo.
Ikhansili isanda ukuphiwa imvumo yokwenza lokhu ngumthethwandaba ophezulu, ngemva kokumangelela uMnu. Don Ncube loMnu. Tafadzwa Magovanyika ngokwabela abantu indawo zokuhlala kulindawo ngaphandle kwemvumo yakhe umanisipala.
Imuli ezadilizelwa izindlu zibikwa zingamatshumi ayisikhombisa lambili njalo ezinye zazo zihlaliswe okwesikhatshana eduzane lezititshi zeKhami Sewer Works.
UMnu. Albert Mhlanga, omela iPhumula edale lephalamende, egoqela iHyde Park Estates, njalo owake wabangukhansila edolobheni lakoBulawayo utshele uSithandekile Mhlanga weStudio 7 ukuthi kungabe kulezombusazwe phakathi kwaloludaba kanye lokungazi ukuthi iHyde Park Estates ingaphansi kwedolobho lakoBulawayo.
Your browser doesn’t support HTML5
Ingxoxo LoMnu. Albert Mhlanga