Lanxa umkhuhlane we Ebola ukhanya usungasasabalali emazweni angentshonalanga yezwekazi le Africa lapho oqhamuke khona ele Zimbabwe lithi lesabela ukuthi abantu abangena elizweni okungekho emthethweni balakho ukuwuletha.
Lokhu kukhulunywe nguDokotela Portia Manangazire umqondisi wohlangothi lwezemikhuhlane ethelelwanayo kugatsha lwezempilakahle emhlanganweni owokuhlaziya lumkhuhlane owenzelwe koBulawayo izolo.
UManangazire uthe ilizwe lilendawo ezingamatshumi amabili owokungena elizweni kodwa okwesatshwayo yikuthi kulabanye abangenza okuthiwa yidabulap, ukungena elizweni okungekho emthethweni bengahlolwanga endaweni lezi.
Ekhuluma embuthanweni munye, umsekeli kamphathintambo wezempilakahle, uDokotela Paul Chimedza uthe bakhona abathola ubuphepheli elizweni kodwa abasuka babuyele kibo baphinde babuye bengena elizweni ngudlu abesatshelwa ukuthi bangeza lomkhuhlane lo osabalala kalula ngokuxhawulana kumbe khona ukuthinta umuntu nje kuphela.
Kunjalo nje, odokotela labongi babikwa bengafuni ukwemukala imali enengi okwamagama abayithenjiswayo ngumanyano we World Health Organization, iWHO, nxa bengayaphathisa emazweni ahlaselwe yilumkhuhlane abalisa, ele Guinea, Sierra Leonne le Liberia.
UDokotela Trevor Moyo utshele uChris Gande weStudio Seven ukuthi odokotela besabela impilo zabo ukuya emazweni ale Ebola.
Your browser doesn’t support HTML5
Umhlangano wokuhlaziya ngomkhuhlane weEbola koBulawayo