Ingxenye kahulumende eyebandla leZANU PF ibikwa ingafuni ukuthi inkampani yeECONET iphiwe ilayisensi yokuvumela incingo zikamakhalekhukwini zohlobo lwe Blackberry ukuya ebulenjini kuhlelo lweBlackberry Internet Service.
Uhulumende ubikwa esesabela ukuthi zingasetshenziswa ukuqoqa uzulu ukuthi avukele uhulumende njengokwenzakala kwele Egypt le Tunisia.
Okwamanje incingo ezisetshenziswayo ezohlobo lolu eZimbabwe azisebenzi iBlackberry Internet Services ngoba kungela nkampani eyaphiwa ilayisensi yokwenza lokho. Udaba lwelayisensi le lubikwa lusemqoka edale lecabinet.
Umphathintambo wezobungcitshi bokuqhutshwa kwembiko, uMnu. Nelson Chamisa utshele iStudio 7 ukuthi angeke akhuluma okunengi ngaloludaba ngoba lusahlaziywa yicabinet.
Ingcwethi kwezencingo zikamakhalekhukwini, uMnu. Joe Ngqabutho Ncube utshele uChris Gande weStudio 7 ukuthi uhulumende engabe engesabi ukuthi incingo zeBlackberry zilemicimbicimbi eminengi enza kungabi lula ukuthi amapholisa ensitha afinyelele imbiko yazo.