Izisebenzi zebhanga leBANC ABC, ezingamatshumi amane lane-44, ezagunyulwa umsebenzi nyakenye, ngemva kwesinqumo somthethwandaba esethulwa nyakenye, zitshengisele ngoMvulo zikhuthaza inkokheli yalelibhanga ukumisa uhlelo lokubathathela impahla, ngemva kokwehluleka ukubuyisela imali yezikwelede abazithatha kulelibhanga.
Abenhlanganiso yeZimbabwe Banks and Allied Workers Union
Izisebenzi ezake zasebenza ebhanga le BANC ABC, eselathengwa ngabe Atlas Mara, zitshengisele esigodlweni salelibhanga emzini we Mt Pleasant, zisekelwa ngabenhlanganiso emela izisebenzi zemabhanga eye Zimbabwe Banks and Allied Union ( ZIBAWU ), amapholisa ohlangothi lwe riot ebabhekile, emi esangweni.
Izisebenzi zifuna abebhanga leli, bahlolisise isinqumo sokuguqula okwavunyelanwayo, ukuba bazohlawulwa njani iholo lesigumula.
Ukutshengisela kwezisebenzi zeBANC ABC
Umnumzana Paul Mudzadza, ngomunye wabagunyulwe yilelibhanga, engowake waba ngumgcinisihlalo wenhlanganiso yezisebenzi ze BANC ABC elizweni lonke. Ulandisa phezu kokubafuqe ukuzatshengisela. Uthi iziphathamandla kulelibhanga, ziqinise amakhanda kusukela nyakenye lapho abagunyulwayo laba befuna kubonisanwe phezu kwalokho obekusenzakala.
Okugcizelelwe ngumsekeli womkhokheli wenhlanganiso yeZIBAWU umnumzana Afreginate Goto.
Lezi zisebenzi zithi zizoqhubeka zitshengisela okwenyanga yonke, ngoMvulo, zize zithole impendulo ezisuthisayo.
Umkhokheli enhlanganisweni emela izisebenzi zemabhanga,umnumzana Farai Katsande labanye,baye bayanikeza incwadi yezikhalazo kuziphathamandla zelelibhanga, bephelekezelwa ngamapholisa ohlangothi lwe riot.
Amapholisa aweRiot Police ebhanga leBanc ABC HQ
Yemukelwe ngumnumzana Joseph Sibanda, umqondisi walelibhanga, lanxa engasaphumanga pandle ukuzakhulumisana labekade betshengisela, ethembise ukuyidlulisela phambili kuziphathamandla zeBoard.
Okudanisa izisebenzi lezi zithi yikuba ibhanga leli liyala ukuhlawula imali zazo, ngokuvumelana kwabo ngaphambilini, kodwa lanelisa ukusekela amaqembu enguqu okubalisa ele Highlanders lele Dynamos kanye lohlelo lokuthuthukiswa kwabontanga ngemali ezinengi kakhulu.
Bezihlabela ingoma ezigcwele ukuthukuthela, lapho inkokheli ingene emahofisini ukuyakwethula incwadi yezikhalazo.
Your browser doesn’t support HTML5
Udaba lwezisebenzi zebhanga leBanc ABC siluphiwa nguMavis Gama