Umhlangano wezisebenzi zikahulumende obumele wenziwe NgoLwesibili wokuhlaziya udaba lokuba izisebenzi lezi zingene na ezitaladeni zitshengisela phezu kodaba lweholo kawusabanga khona.
Lumhlangano wabizwa kumaviki amabili alduleyo ngemva kokuba izisebenzi zikahulumende zingengezelelwanga holo njengolokhu ezazikucele kumqhatshi wazo.
Imali ezithi zifuna iholwe ngulowo oleholo eliphansi ngeyedlula kancane amakhulu amahlanu kodwa okwakathesi isisebenzi sikahulumende esihola imali ephansi sithola amadola angamakhulu amathathu.
UChris Gande weStdudio Seven uxoxe lomkhokheli wenhlanganiso elwela ilungelo lamatitshala, iZIMTA, uMnu. Sifiso Ndlovu othi okungabe kwehlule emhlanganweni lo yikuthi kukhanya kungela kuvumelana kudaba lokutshengisela lolu.
Your browser doesn’t support HTML5
Ingxoxo loMnu. Sifiso Ndlovu