Kuhlelo lwethu Liphuma Lendaba Litshona Lendaba liviki sixoxa loMnu. Richard Gundane umkhokheli wenhlanganiso ekhulumisana lohulumende ngodoba lweholo lelungelo lezisebenzi zikahulumende, eye Apex Council ngodaba lwe bonus.
Ngomnyaka odluleyo umphathintambo wezemali, uMnu. Patrick Chinamasa waveza ukuba uhulumende kalamali yokubhadala izisebenzi zikahulumende imali yebonus.
Kodwa uMongameli Mugabe wathi ngitsho lanxa imali ingekho kumele babhadalwe kuphela.
Okunye osekubangele ukuthi izisebenzi zikahulumende zitshaywe luvalo lokuthi ibonus kayikho yikuthi izisebenzi zikahulumende ezibalisa amasotsha ezithola iholo lazo kuqala ziye emabhanga ngeviki edluleyo zathola ibonus ingekho kuze kube ngoLwesithathu ibilokhu ingekeho.
Kodwa uGundane uthi: "Lokho akumelanga kube yisibonelo sokuthi uhulumende kasoze asiphe iholo lebonus ngoba kuminyaka edluleyo usiphe limali ingqe isikhathi hatshi ngesikhathi sokuhola iholo lansuku zonke."
Your browser doesn’t support HTML5
Ingxoxo loMnu. Richard Gundane