Izisebenzi zenkampani kaLoliwe, eyeNational Railways of Zimbabwe (NRZ) ezakhalala umsebenzi kunyanga ezimbili ezedluleyo ngoba zingaholiswanga okomnyaka lengxenye yawo ziyalandula ukuthi sezitholile iholo lazo njengalokho okutshiwo nguhulumende.
Umphathintambo kahulumende obona ngemota zokuhambisa uMnu. Jorum Gumbo ubikwa esithi uhulumende usanda ukunika inkampani kaLoliwe imali eyizigidi ezintathu zamadola-three million dollars, ukuthi iholise izisebenzi njalo uzikhuthaza ukuthi zibuyele emsebenzini.
Kodwa uMnu. Kenneth Nhemachena, unobhala jikelele wenhlanganiso elwela amalungelo ezisebenzi zikaLoliwe eye Zimbabwe Amalgamated Workers Union uthi imali le yenela iholo lezisebenzi elenyanga eyodwa kuphela.
Your browser doesn’t support HTML5
Ingxoxo LoMnu. Kenneth Nhemachena
UMnu. Gumbo ubikwa esithi uhulumende uzaqhubeka esebenza lamankampani agoqela awe Zisco, Zimasco, Makomo, leTongaat Hulet ukuthi athole imali yokuholisa izisebenzi zeNRZ.