Izizalwane zeZimbabwe ezihlala kweleBhilithane njalo zidabuka koBulawayo bezihlangene ngobunengi bazo ngoMgqibelo eManchester emcimbini eziwubize ngokuthi Vuka Bulawayo Vuka.
Umcimbi lo ubungowokhuthaza ukuvuselela umuzi wako Bulawayo kwezamasiko, ezentuthuko lokuqonqosela ukusebenzelana ndawonye kwabantu ekuthuthukiseni lelidolobho.
Abakontuthuziyathunqa bagide imigido yesintu, badla ukudla kwesintu, njalo bahlabela ingoma zendulo kukhunjulwa lapho abavela khona koBulawayo.
Bekulabahlabeleli abalodumo kumgido yesintu abajabulise abantu abanengi. Omunye okhulume ngamasiko kulumcimbi nguMnu. Lucky Moyo oweZambezi Arts. UNkosazana Virginia Macebo uthi ugide wamekeza kulumcimbi
Bekulabantu abanengi kulumcimbi njalo bonke bathi basuthisekile ngabakuzwileyo labakubonileyo, lenkuthazo yomanyano ekuthuthukiseni umuzi omkhulu wakoNtuthuziyathunqa, emagumeni, kondongaziwelene koBulawayo ngaphansi kohlelo, “Vuka Bulawayo Vuka.”
Your browser doesn’t support HTML5