Izizalwane zeZimbabwe ezisebenzela kweleSouth Africa ezidabuka emangweni weGwanda leBeitbridge sezikhuthaze osowabo abasemazweni ukuthi badinge indlela zokuphatheka kuntuthuko yendawo abavela kuzo.
Ukuntengantange kwezomnotho eZimbabwe sekubangele ubunzima obukhulu empilweni zabantu abadala labancane. Lesi yiso isizatho esikhulu esifuqe izizalwane zeZimbabwe ezingmatshumi phose amane-38, ezidabuka eGwanda le Beitbridge zisukume zibumbe inhlanganiso ye VESO.
Amalunga enhlanganiso yeVESO
Linhlanganiso isikhethe izikolo ezinhlanu kulezi indawo zombili lapho elungiselela ukuyaphathisa ngezingwalo, izicathulo, lokunye okudingakala ezifundweni eziqakathekileyo njenge Maths le Science.
Unkosikazi Sinqobile Moluli nguNobhala wale inhlanganiso.
Siyesabheka sabona ukuthi kulabanye abantwana kwezinye indawo lakwamanye amazwe abahluphekayo ukwedluleyo abayehluleka ukuqhubekela phambili ngezifundo hayi ngoba bengazi kodwa ngendaba yokuthi abanakho okokufunda or abazali abenelisi.
Ethi kuloluhlelo basebenza ngokukhulumisana lamakhansela, abezemfundo, ababalisi lezinduna.
Sinethemba lokuthi kuzoququzela izingane ukuthakazelela imfundo kwenze nabazali bebenomfutho wokuthi ingane kumele yenzelwe ibe namalungiselelo. Sinethemba lokuthi nabafundisayo esikolo ababalisi bazoba nalowo mdladla ma bebona ukuthi kunabanye abantu abakhathalela ingane abazifundisayo.
Linhlanganiso isiziphe kusiyaphela yonale inyanga ukuthi ibe isiqoqe ingwalo zokubhalela ezifika inkulungwane, izicathulo ezenela abantwana abangamatshumi amahlanu, impahla ezisetshenziswa ngamantombazana nxa esesikhathini lokunye.
Elinye ilunga lale inhlanganiso umnumnzana Gift Mguni odabuka eManyane eMhalipe eGwanda, uthi indlala, ubuyanga, ukusilela kwemisebenzi lokusilela kwentuthuko kule indawo yizo ezinye zezizatho ezenze ukuthi basukume balethe intuthuko ezigabeni zabo.
Kasithandi ukuthi ingane zethu nezizukulu zethu zibe kuleso simo esakhula ngaso, sizama ukuthi kube nentuthuko kungakhanyi umntwana omunye lomunye engani usalele emuva yena enalo ikhono lokuqhubeka ngemfundo sivale la okuvaleka khona.
Leyinto egcizelelwa ngomunye wabo umnumnzana Jonathan Mbedzi odabuka eMphande eZezani eBeitbridge. Umbedzi uthi njengenhlanganiso banxusa izizalwane zeZimbabwe zonke ezisemazweni ukuthi zidinge indlela ezitshiyeneyo zokuletha intuthuko lenguquko endaweni abadabuka kuzo.
Sibona ime kahke ikusasa ngoba kube nzima ekuqaleni.Ukuthi sihlangane nabanye abantu it was a lttle bit hard ukuthi sihlangane nabo. Into egcine iyenzakala sagcina sihlangana nabanye. Abanye, its South Africans who are helping us very much ukuthi nathi sithole somthing to help back home. Ngithemba nabanye abantu bangasijoina ukuthi sizame ukusiza ilizwe lakithi.
Inhlanganiso yeVESO iphakathi njalo kokuxhasa inhlelo zamasiko, ezemidlalo kanye lokuxhasa imuli zabayanga nxa zifelwe.
Your browser doesn’t support HTML5
Udaba lwenhlanganiso yeVESO siluphiwa nguBenedict Nhlapho