Uhulumende uthi izulu lesikhukhula eline kumaviki ambalwa adluleyo elizweni libulele abantu abalitshumi lanye lanye eMashonaland West leManicaland, njalo ladiliza izindlu endaweni ezigoqela iMbire, iMukumbura, iMuzarabani, iZvimba, leGokwe.
Inhlanganiso ye Civil Protection Unit ithi abantu abadilikelwe yizindlu belokhu bengakadingelwa ezinye indawo zokuhlala ngenxa yokuswelakala kwempahla zokusebenzisa.
Enye indawo evame ukuhlaselwa luhlupho olufanayo igoqela iTsholotsho eMatabeleland North, lapho okubikwa kulabantu abalokhu behlala ematendeni ngemva kokudilizelwa yilelizulu.
Isakhamuzi seButabubili eTsholotsho uMnu. Phineas Ncube, ongomunye wabadilikelwa yizindlu ngomnyaka odluleyo utshele uSithandekile Mhlanga we Studio 7 ukuthi bayesabela ukuthi izulu leli lingaphinda elakwenza nyakenye lanxa abantu belokhu bengakakhi ezinye izindlu.
Your browser doesn’t support HTML5
Ingxoxo LoMnu. Phineas Ncube