Izakhamizi zepulazini leCabatsha duzane lakoBulawayo ezedlula amakhulu amabili zidilizelwe izindlu ngemva kokuna kwezulu elilomoya ngoMgqibelo.
Izulu leli lidilize izindlu ezinengi njalo lezo ezisele zimi zesabelwa ukuba lazo zilakho ukudilika ngoba sezilemikenke.
Bekhuluma lequla elikhokhelwa ngabalandeli bebandla leZAPU elethekelele leyo ndawo, izakhamizi lezi zicele ukuthi uhulumende azikhathalele ngoba kazisela kudla.
Omunye wezakhamizi lezi, uNkosikazi Grace Luphahla, uthe usezakuyadinga umsebenzi emapulazini aseduze njalo athengise inkuni ukwenzela ukuthi aphandele imuli yakhe.
Umkhokheli webandla leZAPU, uMnu. Dumiso Dabengwa, uthe akumnandi ukubona abantu bephila nzima kangaka.
UMnu. Dumiso Dabengwa webandla leZapu wethekelela izakhamizi ezidilizelwe izindlu lizulu elilesiqhotho.
Untombazana osakhulayo oqeda ukuloba imihloliso kaForm 4 eNorthlea, uSimelinkosi Dlamini obebhadalelwa zinhlanganiso ezizimeleyo ohlala kulindawo, uthe udinga uncedo lokwakhelwa indlu.
Wengeze esithi bacela njalo labo abalemali balungise izikolo ezidilikileyo njalo babaphandele imigodi yamanzi.
UMnunzana Van Ncube, ezinye njalo isakhamuzi esihlala eCabetsha, uthe izulu eline kuleyondawo kade lilomonya lesiqhotho esesabekayo.
Your browser doesn’t support HTML5
Udaba Esilethulelwe NguNompumelelo Moyo