WASHINGTON DC —
Izulu libikwa seliphazamisa imizamo yokuhlenga abemba igolide ngaphandle komthetho abadilikele ngumgodi eBindura ngeviki edluleyo.
Lanxa uhulumende esithi abantu laba balitshumi, abanye bathi bedlula amatshumi amane.
Izihlobo zabantu laba zibikwa sezilahlekelwe lithemba lokuthi bengatholakala bephila.
Banengi abemba igolide ngaphandle komthetho asebedilikelwe yimigodi endaweni ezitshiyeneyo zelizwe bafela phakathi.
Olwela amalungelo oluntu uMnu Mbuso Fuzwayo utshele iStudio 7 ukuthi abantu abanengi, ikakhulu abasakhulayo sebefaka impilo zabo engozini ngokugebha igolide ngoba uhulumende esehluleka ukuvuselela umnotho.
Your browser doesn’t support HTML5
Ingxoxo loMnu Mbuso Fuzwayo