Abasakhulayo abacatshangelwa ukuthi ngabebandla le ZANU PF babikwa bechithe umcimbi wokuphawula ugwalo olwalotshwa ngowake waba ngumphathintambo kahulumende, uMnu. Jonathan Moyo, oyisikhwicamfundo..
Ugwalo lolu, olulesihloko esithi “Excelgate” lubikwa luchaya ubungilimbane obenziwa ngamapholisa ensitha encedisana leZimbabwe Electoral Commission ukuqilibezela kukhetho.
Abasakhulayo laba babikwa bethusele abantu abakade besemhlanganweni lo, ababalisa abammeli bomanyano we European Union, Switzerland le Japan ngengodo lokubagongoda ngezitulo, behluthuna ingwalo zika Mnu. Moyo.
Amapholisa abikwa enqabile ukungenela kulobu ubudlwangudlwangu. Sixoxe lengcwethi ecubungula ezombusazwe, uMnu. Thandeko Zinti Mkandla ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Thandeko Zinti-Mnkandla
Asenelisanga ukukhuluma lamapholisa kumbe ibandla leZANU PF ngaloludaba.