Abanye bathi ilizwe leZimbabwe alikafiki kusibanga sokubuswa ngumuntu wesifazane.
Kodwa abanye abesifazane bathi isikhathi sesifikile udubo olukhona nje yikuthi abesifazane kabaxhasani okubangela ukuthi bengaphumeleli kukhetho.
Ngelanga lokunanza imisebenzi yabesifazane sihlaziye loludaba saxoxa lolwela ilungelo labesifazane, uNkosazana Rita Ndlovu, endawonye lokhansila we Nkayi, uNkosazana Mpokiseng Sibanda.
UNkosikazi Sibanda uthe, “Indaba ekobo mama, omama akula kuphumelela. Inhlupho silazo ezinengi kakhulu. Omama kulokuncindezela kakhulu. Sengitsho lokwezombusazwe kulokuncindezela.”
Uthe abantu bayakwazi ukuthi omama bayenelisa ukwenza okwenziwa ngabobaba. Uphe umzekeliso wokuthi nxa owesilisa engaphiwa imali elingene lephiwe owesifazana ongumama uzayilondoloza.
UNkosikazi Ndlovu uthe, “Inkinga ekhona nxa sikhangela ezombangazwe yikuthi vele singamabandla atshiyeneyo. Ibandla lebandla lilezinto elizenzayo. Besekusiba lodubo lokuthi thina omama asixhasani.”
Your browser doesn’t support HTML5
Udaba Silethulelwa Ngu Chris Gande