Ukwala kwebutho lesizwe ukuthi alisoze lingenele kwezombusazwe kutshiye abamabandla aphikisayo besithi leli yize ngoba inkokheli yebutho isikhokhela uhulumende.
Abakubutho babe lomhlangano lentathelizindaba ngoLwesine balandula ukuthi ibutho likhona emaphandleni lapho elincedisa khona ibandla elibusayo ukukhankasa.
Kambe kungaba kusenzakalani lapha? Ukuhlaziya loludaba sixoxe lelunga ledale le Central Committee yebandla le Zanu PF, uMnu. Joseph Tshuma endawonye lesiphathamandla somanyano we MDC Alliance, uMnu. Edwin Ndlovu onguye osungula lingxoxo.
“Siyananzelela ukuba ngoNovember abakubutho bazingena ezombusazwe bakhipha uMugabe esasingasamfuni sonke abantwana be Zimbabwe. Uthe sephumile uMugabe sathola ukuthi owayekhokhela ibutho usengumsekeli kaMongameli,” kutsho uNdlovu.
UNdlou wengezelele esithi amasotsha asegcwele indawo zonke emaphandleni engcedisa ukukhankasela ibandla leZanu PF.
UTshuma yena uthi: “Umalume wami ulukhuthile ugatsha kancane ngoba iconstitution ye Zimbabwe iya gayida ukuthi amasotsha kumele enzeni njalo acine ngaphi.”
Your browser doesn’t support HTML5
Udaba Silethulelwa Ngu Chris Gande