Umphathintambo kahulumende obona ngenhlelo zemali uMnu. Mthuli Ncube uthi umnotho welizwe ukhangelelwe ukukhuphuka kancinyane ekupheleni komnyaka lanxa umkhuhlane weCOVID 19 ubuyisele emuva inhlelo zelizwe, okuzabangela ukuthi ukusebenza kwamafemu kubuyele phansi.
Esethula umbiko woluhlu lokusetshenziswa kwemali olwaphakathi komnyaka , uMnu. Ncube uthe uhulumende ukhangelele ukuthi kube lomkambo weStock exchange edolobheni leVictoria Falls, ozancedisa ukuthuthukisa umnotho welizwe.
Ukuze sihlaziye loludaba, sixoxa loMnu. Rejoice Ngwenya, ingcwethi ecubungula ezombusazwe, esiqale ngokumbuza ukuthi ukukhutshulwa kwemali yomthelo ongahlawulelwa indleko zawo, eye tax free threshold, esuke kumadola azinkulungwane ezimbili two thousand dollars, yaya kwazinkulungwane ezinhlanu, five thousand kuzaphathisa njani abantu makhaza labosomabhizimusi.
Your browser doesn’t support HTML5
Ingxoxo loMnu. Rejoice Ngwenya