Uhulumende uthi usebumbe i-taskforce elomlandu wokubona ukuthi impuphu ithengiswa ngemfanelo, njalo ayisiwa emkambo omnyama, ukwenzela ukuthi itholakale lula ezitolo.
Lokhu kubikwa kuvezwe ngumphathintambo kahulumende obona ngezama fekithali uNkosikazi Sekai Nzenza, othe i task force le ikhokhelwa ngumsekeli wakhe uMnu. Raji Modi.
Uhulumende uthi ubhadala abagaya impuphu imali yama subsidies ukwenzela ukuthi bayithengise ngentengo ephansi.
Ukuhlaziya loludaba, sixoxa loMnu. Thandeko Zinti Mnkandla, ingcwethi ecubungula ezombusazwe.
Your browser doesn’t support HTML5
Ingxoxo loMnu. Thandeko Zinti-Mnkandla
Asenelisanga ukukhuluma loMnu. Modi ngaloludaba, kodwa uNkosikazi Nzenza ubikwa esithi ugatsha lwakhe luzasebenza lenhlanganiso yabosomabhizimusi eyeConfederation of Retailers Association, i-Grain Marketing Board, labanye abaphatheke kudaba lokwabikwa kwempuphu, ama stakeholders, ukubona ukuthi uhlelo lolu luyaphumelela.