Ixuku lezizalwane ze Zimbabwe elizibiza ngokuthi Platform of Concerned Zimbabweans, elifuna ukubumba uhulumende wesikhatshana ozabusa kumelelwe ukwenziwa ukhetho libikwa lilamagama abantu abangamatshumi lanhlanu abathi bengakhokhela.
Abanye babo babalisa uNkosikazi Eleanor Sisulu, uMnu. Trevor Ncube loNkosazana Judith Todd. Ixuku leli lithi kumele kubunjwe linhlanganiso ngesiphangiphangi ukuze kuqalwe ukulungiselelwa ukhetho luka 2018.
Ukuhlaziya loludaba sixoxe lomskeli wesikhulumeli sebandla leMDC-T, uNkosazana Thabitha Khumalo endawonye loMnu. Dumisani Nkomo ingcwethi ecubungula ezombusazwe onguye osungula lingxoxo.
UNkomo uthi kukabili: "Kusisekelo sombuso akukho nhlamvu ezivumela lokhu kodwa nxa sikhangele umumo welizwe ukuthi uhulumende kalamali okubangela ukuthi kube lomlandu wokusungula iTransitional Authority."
Kodwa wengezelele esithi okwamanje akulasibonelo sokuthi uMongameli Mugabe engasuka esihlalweni.
UMaKhumalo yena uthi uyavumelana loNkomo wengezelela esithi: "Sesifike emahlangweni omgwaqo phambili sekukude njalo emuva sekukude. Sekumele kubuye abanye abantu abangaguqula impilo kazulu."
Your browser doesn’t support HTML5
Ingxoxo loMnu. Dumisani Nkomo elo Nkosazana Thabitha Khumalo