Ibandla leZanu PF likhangelelwe ukwenza umhlangano walo owenziwa kanye ngomnyaka owe People's National Conference kuyonale impelaviki edolobheni leMasvingo.
Isiphathamandla salelibandla, uMnu. Jorum Gumbo, utshele iStudio 7 ukuthi amalungiselelo omhlangano lo asekusibanga esikuzinga eliphezulu njalo ngoMvulo benze umhlangano wabaphathintambo bexoxisana ngosekusele.
UGumbo uthe ngoLwesibili bazakuba lomhlangano we Central Committee lawo ozabe uhlolisisa ngomhlangano lo kuthi ngoLwesithathu kwenziwe umhlangano wedale elimqoka lebandla leli, Politburo.
Umhlangano lo wenzakala kulokudonselana kweziphathamandla zeZanu PF esezilamaxuku amabili elinye lithiwa G40 kuthi elinye lithiwa Team Lacoste.
Ukuhlaziya loludaba sixoxe lengcwethi ecubungula ezombusazwe, uMnu. Zenzele Ndebele, othe lumhlangano yikuchitha isikhathi nje kuphela.
"Ngumbuthano nje kuphela abewenza kanye ngomnyaka omele ukhulume ngokususa umphathi webandla kodwa phakathi kwabantu abakhona akula ngitsho loyedwa olesibindi."
Your browser doesn’t support HTML5
Ingxoxo loMnu. Zenzele Ndebele