Umongameli Emmerson Mnangagwa, obesemhlanganweni omkhulu weUnited Nations General Assembly eNew York, uqhube eminye imihlangano ethile labosomabhizimusi lenkokheli yamanye amazwe, ebahuga ukuthi basebenzelane leleZimbabwe ukwenzela ukuthuthukisa umnotho welizwe.
Umgcinisihlalo webandla leMDC-T eMelika uMnu. Den Moyo uthi abantu abamthembi umongameli Mnangagwa ngenxa yokwephulwa kwelungelo loluntu kanye lenkohlakalo elizweni lakhe.
Kodwa umgcinisihlalo webandla leZANU PF eEast Coast eMelika, uMnu. Frenk Guni uthi umongameli Mnangagwa usebenza gadalala ukuthuthukisa umnotho welizwe njalo inguquko isibonakala.
Uthi umongameli Mnangagwa uphakathi kokulungisa udaba lweholo eliphansi elezisebenzi zakhe, ukuqonga kwempahla, lokunye okunengi-nengi ngoba kuthwalise wonke umuntu, okugoqela lamalunga ebandla leZANU PF, amagabha avuzayo.
Your browser doesn’t support HTML5
Ingxoxo loMnu. Den Moyo