UMongameli Robert Mugabe usefikile elizweni evela kweleMelelika lapho kade esayina khona isivumelwano sokuguquka komkhathi ese Paris Agreement on Climate Change.
UMugabe, obelequla eligoqela abaphathintambo bezemvelo, uNkosikazi Oppah Muchinguri Kashiri lowezobudlelwano lamanye amazwe, uMnu. Simbarashe Mumbengegwi labanye.
Befika egcekeni lendizamtshina eHarare uMumbengegwi utshele intathelizinda ukuthi eleZimbabwe laqala kudala ukulandela isivumelwano lesi esavunyelwana ngomnyaka ophelileyo okugoqela ukwehlisa intuthu ephuma ezimoteni lokukhuthaza ukusetshenziswa kwamandla elanga, isolar.
UMugabe usolwe ngabanye kade besithi ngabe ethumele abaphathintambo hatshi ukuthi yena uqobo lwakhe.
Ukuhlaziya loludaba sisoxe lengcwethi kwezokulima, uMnu. Themba Dlodlo othi lesi sivumelwano siqakalthekile kakhulu.
"Kuhle khona ukuthi kusayinelwane lamanye amazwe ngoba inhlanganiso yeUnited Nations ilamazwe amanengi," kutsho uDlodlo.
Your browser doesn’t support HTML5
ingxoxo loMnu. Themba Dlodlo