Omela i-Mbizo eKwekwe, uMnu. Settlement Chikwinya uthi uzakwethula isicelo sokuba kuhluzisizwe imbangela yokubandezelana kwabantu emthandazweni ngeviki edluleyo lapho okufe abantu abalitshumi lanye.
Lokhu kulandela imibuzo eminengi evela kuzihlobo labangane babafileyo. Ngempelasonto kubekwe abahlanu abaphathiswe ukwenza lumsebenzi nguMfundiisi Walter Magaya owe sonto ye Prophetic Healing and Deliverance onguye owayekhokhela lumthandazo.
Kuqala lingozi abantu bebesethesa amapholisa icala lokubangela udlakela ngokuphosela intuthu ehitshayo enkundleni ye Mbizo lapho okwakulenkulungwane ezingamatshumi amabili zabantu.
Kodwa amapholisa ayalandula lelicala. UMagaya ubikwa ephe imuli ngayinye eyalahlekelwayo inkulungwane eyodwa yamadollar. UChris Gande we Studio Seven uxoxe lesakhamuzi seKwekwe, uMnu. Mugove Sibanda ukuze sizwe umumo namhla ose Kwekwe.
Your browser doesn’t support HTML5
Ingxoxo loMnu. Mugove Sibanda