WASHINGTON DC —
Liviki kuhlelo lwethu "Liphuma Lendaba Litshona Lendaba" sixoxa loNkosazana Diane Deadol ngodaba lokuthuthukisa ulimi lwesi Nambya.
UDeadol uthi yena labanye bakhe abahlala eSouth Africa baphakathi kokwenza umfanekiso kamabonakude, iDocumentary lapho abazakhuluma lengcwethi kunye labazi ngosiko lwesi Nambya.
UDeadol uthi inengi kalazi ngosiko kunye lokuthi kanti vele ama Nambya abahlala eHwange le Victoria Falls ngobani njalo bakhuluma sihlobobani. Wengezelele esithi badinga njalo loncedo lwemali yokwenza lumsebenzi.