Kubhubhe abantu abalitshumi lantathu, 13, ngeCovid-19 eZimbabwe ngoMvulo njalo kwatholakala abedlula amakhulu ayisitshiyangalombili, 842, belomkhuhlane lo.
Lokhu kukhweze inani lasebefile laya kunkulungwane elamakhulu edlula ayisikhombisa, 1,749.
Asebebanjwe lumkhuhlane bona sebephezu kwenkulungwane ezingamatshumi amane lasikhombisa, 47,284.
Abantu abahlatshwe ijekiseni yakuqala yokuvikela lumkhuhlane ngoMvulo bazinkulungwane phose eziyisitshiyangalombili, 7,957.
Abahlatshwe eyesibili bazinkulungwane phose ezilitshumi lasithupha, 15,938.
Asebehlatshwe eyakuqala bonke sebengu764,248 kuthi asebehlatshwe eyesibili njalo ingeyokucina bona sebengu534,906.
Isiphathamandla senhlanganiso esebenza lozulu wemaphandleni, ikakhulu eLupane eyeRural Communities Empowerment Trust, uMnu Vumani Ndlovu utshele iStudio 7 ukuthi azikafinyeleli kuhle emakhaya inhlelo zokuhlatshwa kwabantu.
Your browser doesn’t support HTML5
Ingxoxo loMnu Vumani Ndlovu