Kubhubhe abantu abangamatshumi amathathu lane, 34, ngeCovid-19 eZimbabwe ngeSonto njalo kwatholakala abedlula kancane inkulungwane, 1,006, belomkhuhlane lo.
Lokhu kukhweze inani lasebefile selokhe lumkhuhlane ufike kulelilizwe laya kunkulungwane ezimbili ezilamakhulu edlula ayisithupha, 2,622.
Asebebanjwe lumkhuhlane bona bakhwele baya kunkulungwane ezedlula eziyisitshiyangalombili, 83,619.
Abahlatshwe ijekiseni yeCovid-19 yakuqala izolo bedlula inkulungwane ezilitshumi, 12,043, kuthi abahlatshwe eyesibili bona bazinkulungwane phose ezimbili, 1,765, kuphela.
Abantu asebehlatshwe ijekiseni yakuqala bonke sebengu1,144,379, kuthi asebehlatshwe eyesibili njalo ingeyokucina bona sebengu641,154.
Isiphathamandla senhlanganiso esebenza lozulu wemaphandleni eLupane eyeRural Communities Empowerment Trust uMnu Vumani Ndlovu utshele iStudio 7 ukuthi umkhuhlane lo ukhanya umemetheka ngamandla eLupane.
Your browser doesn’t support HTML5
Ingxoxo loMnu Vumani Ndlovu