Kubhubhe abantu abangamatshumi ayisikhombisa lasitshiyagalolunye, 79, ngeCovid-19 eZimbabwe ngoMvulo.
Ugatsha lwezempilakahle luthi kutholakale njalo abedlula inkulungwane ezimbili, 2,050, belomkhuhlane lo.
Lokhu kukhweze inani lasebefile laya kunkulungwane ezedlula ezintathu, 3,173. Asebebanjwe lumkhuhlane bona sebelanda inkulungwane ezilikhulu, 99,944.
Abahlatshwe ijekiseni yakuqala yokuvikela lumkhuhlane ngoMvulo njalo bedlula inkulungwane ezingamatshumi amathathu, 34,151.
Abahlatshwe eyesibili bedlula kancane inkulungwane eziyisikhombisa, 7,156.
Asebehlatshwe eyakuqala bonke sebefika kusigidi phose esilengxenye, 1,491,493 kuthi asebehlatshwe eyesibili njalo ingeyokucina sebephezu kwengxenye yesigidi, 687,216.
Owake wamela isigaba seNkayi South edale lephalamende uMnu Abednico Bhebhe utshele iStudio 7 ukuthi umkhuhlane lo usubhahile kakhulu esigabeni sakhe.
Your browser doesn’t support HTML5
Ingxoxo loMnu Abednico Bhebhe