Omela iHarare West edale lephalamende engowebandla leMDC, uNkosazana Joanna Mamombe wetheswe icala lokuzama ukugenqula uhulumende ngokungekho emthethweni ngemva kokubotshwa ngoMgqibelo ekuseni eseNyanga lapho abephatheke emhlanganweni walelidale.
Igqwetha elimmelayo uMnu. Jeremiah Bhamu utshele iStudio7 ukuthi uNkosazana Mamombe uzamiswa phambi komthethwandaba kamantshi eHarare ngoMvulo ekuseni.
Elinye njalo ilunga lephalamende kulelibandla, uMnu. Godfrey Sithole, omela iChitungwiza North kulelidale, usezandleni zamapholisa njalo wetheswa icala lokukhuthaza ukuthi kubelodlakela ngesikhathi kutshengiselwa ekuqaleni kwawonalo umnyaka.
Ibandla leMDC lethule imbiko lisola ukubotshwa kwamalunga alo.
Kusenjalo, umkhokheli webandla leMDC uMnu. Chamisa ubikwa esetheswa icala lokudlwengula owesifazana, lanxa engakaziswa ngaloludaba.
Asikatholi okunengi okusemthethweni ngaloludaba, njalo iziphathamandla zeMDC zenqabile ukukhuluma ngalo. Ukuhlaziya okwenzakala kulelibandla, sixoxe lesikhulumeli sikaMnu. Chamisa, uMnu. Nkululeko Sibanda.
Your browser doesn’t support HTML5
Lalela Ingxoxo loMnu. Benard Bhekilizwe Ndlovu