Amapholisa athi abophe abantu abalitshumi abetheswa amacala okuntshontsha izifuyo ezigoqela inkomo lamadonki koMadlambudzi, ePlumtree.
Isikhulumeli samapholisa uMnu Paul Nyathi uthe abantu laba babotshwe kulandela ukukhwela kwezehlakalo zokuntshontshwa kwezifuyo ezigabeni ezifana leKhandlamhlophe, koMbimba, eJutjume, eNsubula eMahole laseTjaboroma.
UNyathi uthe izakhamizi zakulezindawo zibambe iqhaza lamapholisa zathungatha umkhondo wamasela lawa zayawathola eTsholotsho lapho okutholakale njalo amadonki angamatshumi amabili lambili, 22, abentshontshiwe kanye lenkomo eyodwa.
Isakhamuzi sakoMbimba uMnu Moki Ncube utshele iStudio 7 ukuthi ukuntshontshwa kwezifuyo sokubhahe kakhulu kulindawo.
Your browser doesn’t support HTML5
Ingxoxo loMnu Moki Ncube