Lanxa inengi lamalunga enhlanganiso le lingabantu asebekhulile, ilokhu isamukela abatsha ngoba labo belembono ejulileyo engancedisa abadala.
Inhloko kahulumende uMnumzana Morgan Tsvangirai uvule ngokusemthethweni idale leZimbabwe Panel of Elders elizaphathisa ukukhankasela ukuthula lokubusa okusuthisa uzulu e Harare. Kubika intathelizindaba yeStudio 7 uMark Peter Nthambe.
Kusenjalo, umgcinisihlalo walinhlanganiso, usikhwicamfundo Gordon Chavunduka, utshele iStudio 7 ukuthi inhlanganiso ye Panel of Zimbabwe Elders le ilakho ukugcwalisa injongo zayo ngoba amalunga ayo engabantu asebekhulile njalo abalolwazi lempilo.
Ungezelele wathi lanxa inengi lamalunga enhlanganiso le lingabantu asebekhulile, ilokhu isamukela abatsha ngoba labo belembono ejulileyo engancedisa abadala.
UChavunduka uchasisele uSithandekile Mhlanga we Sudio 7 okunengi ngokuthi inhlanganiso le izasebenza njani.