Ngesikhathi iCOVID 19 ilokhe imemetheka, njalo umkhakha walo omutsha usabalala emazweni amanengi agoqela eleSouth Africa lele Zambia, ibandla leZimbabwe Economic Freedom Fighters lithi kufanele uhulumende weZimbabwe lowe South Africa ebophe ziqine emgceleni weBeitbridge border post ukwenzela ukwenqabela ukumemetheka kwaleligcikwane.
Isikhulumeli salelibandla uMnu. Witness Hove uthi ibandla lakhe lilombono wokuthi kungabi lemgcele eAfrica ukwenzela ukuthi izwekazi leli lithuthuke.
Your browser doesn’t support HTML5
Ingxoxo loMnu. Witness Hove
Kusenjalo, isiphathamandla senhlanganiso yeCrisis in Zimbabwe Coalition leye Gwanda Residents Association, uMnu. Bekezela Maduma Fuzwayo kasekho. UMnu. Fuzwayo ubikwa etshonile ngoLwesine ngenxa yegcikwane leCOVID 19 esesibhedlela se isolation centre. UMnu. Fuzwayo waye vame ukuxoxa leStudio 7 kunhlelo ezithile, ehlaziya indaba ezigoqela ezombusazwe, ezomnotho, lezamalungelo oluntu. Asizweni ekhuluma kuStudio 7 kunyanga ezedluleyo.
Your browser doesn’t support HTML5
Amazwi kaMnu. Bekezela Maduma Fuzwayo Esaphila