Abantu abanengi bathi kuyayangisa ukuthi umsekeli kamongameli, uMnu. Constantino Chiwenga, welatshwa kwele China kungelamithi lokunye okufuneka ezibhedlela eZimbabwe.
Abakhulume kumasakazo weStudio 7 bathi kumele eChiwenga eyelatshwe eZimbabwe njengomuntu wonke.
Uhulumende ubike izolo ukuthi uChiwenga useyekwelatshwa kwele China ngodokotela abavela emazweni agoqela ele South Africa, India, China kanye leZimbabwe.
Uhulumende kakhulumanga ngokukhathaza uChiwenga owake wabika ukuthi waqala ukugula ngesikhathi kususwa esikhundleni owayengumongameli, uMnu. Robert Mugabe, ngomnyaka ka2017.
Omunye wabakhonona ngokwelatshwa kuka Chiwenga kwele China lakwamanye amazwe nguMnu. Zophela Ncube.
Your browser doesn’t support HTML5
Ingxoxo Esiyenze LoMnu. Sophila Ncube
Omunye njalo okhonona ngalokhu nguMnu. Thembelani Moyo othi kumele uChiwenga elatshwe kwele Zimbabwe hatshi kwamanye amazwe.
Your browser doesn’t support HTML5
Ingxoxo Esiyenze LoMnu. Thembalani Moyo
UMnu. Energy Mutodi, umsekeli wesikhulumeli sikahulumende utshele uBlessing Zulu weStudio 7 ukuthi uhulumende wethule umbiko wokwelatshwa kuka Chiwenga ngoba besokumemetheka amanga ngokugula kwakhe.
Uthi okwamanje bekumele uChiwenga ayekwelatshwa kwele China.
Your browser doesn’t support HTML5
Ingxoxo Esiyenze LoMnu. Energy Mutodi