EleZimbabwe lizamanyana lamanye amazwe omhlaba namuhla ekunanzeni usuku lokulondolozwa kwamalungelo oluntu olweHuman Rights Day.
Ilanga leli liza ngesikhathi abanye besola uhulumende kaMongameli Emmerson Mnangagwa besithi usevuke ubhova ukwedlula okaMugabe kundaba zokuhlukuluza abantu lokwephula amalungelo abo.
Bathi lokho kuvezwa sobala yikubulawa kwabantu ngamasotsha lamapholisa kulandela ukhetho kanye lokubotshwa mahlayana kwalabo abasola umbuso weZanu PF.
Ekungeneni kwakhe embusweni uMnangagwa wathembisa ukuwahlonipha amalungelo oluntu ngemfanelo.
Kodwa isiphathamandla senhlanganiso yeCrisis in Zimbabwe Coalition uMnu Marvellous Khumalo uthi ububi bombuso kaMnangagwa buvela sobala mihla lamalanga.
Your browser doesn’t support HTML5
Ingxoxo loMnu Marvellous Khumalo
Isikhulumeli sikahulumende uMnu Nick Mangwana kaphendulanga imibuzo esimthumele yona ngaloludaba.