Owayengumphathintambo obona ngezokulima uMnu. Perence Shiri obhubhe ngoLwesithathu ubekiwe ngoLwesihlanu emathuneni eHeroes Acre eHarare kulandela inhlonipho ayiphiwe nguhulumende eyokuba liqhawe lesizwe
WASHINGTON —
Owayengumphathintambo obona ngezokulima uMnu. Perence Shiri obhubhe ngoLwesithathu ubekiwe ngoLwesihlanu emathuneni eHeroes Acre eHarare kulandela inhlonipho ayiphiwe nguhulumende eyokuba liqhawe lesizwe.
Ekhuluma emathuneni la, umongameli Mnangagwa uthe umuyi wayengumuntu osebenza gadalala njalo ethanda ukuthula.
Uphinde wakhuthaza abasebenza kwezempilakahle ukuthi babuyele ezibhedlela ukwenzela ukulwisana legcikwane leCOVID 19 okuyilo athi libulele uMnu. Shiri.
Isiphathamandla sebandla leZANU PF uMnu. Joseph Tshuma uthi uyawasekela amazwi kamongameli Mnangagwa ngoba igcikwane leCOVID 19 liyamemetheka, njalo lingabulala ingqe ngubani.
UMnu. Tshuma usipha umbono wakhe ngembali kaMnu. Shiri engumkhokheli webutho leFifth Brigade lapho okwabulawa njalo kwadlengulwa abanengi ezigabeni zeMatabeleland.
Your browser doesn’t support HTML5
Ingxoxo loMnu. Joseph Tshuma