Abamabandla aphikisayo kanye labalwela amalungelo oluntu bathi kabavumelani lesinqumo sokuthi izinduna yizo ezizakhokhela uhlelo lokulungisa udaba lweGukurahundi.
Isinqumo lesi siphume emhlanganweni owenziwe nguMongameli Emmerson Mnangagwa lezinduna zeMatabeleland ngoMgqibelo.
Kuvunyelwane njalo ukuthi induna ngenduna izakhulumisana labantu bayo bavumelane phezu kwezinto ezifana lokungcwatshwa kutshwa kwalabo ababulawa yilumbhuqazwe njalo kukhulunyiswane lalabo abahlululuzwayo ngendlela ezitshiyeneyo.
Umbiko owethulwe yihofisi kaMnangagwa uthe njalo uhulumende uzangenela kuphela ngendingeko ezigoqela imali yokuhlawula labo okuyabe kufunyanwe ukuthi balungele ukuhlawulwa.
Oncintisa efuna ukukhokhela ibandla leZapu uMnu Sibangilizwe Nkomo, yena oyindodana kamuyi uMnu Joshua Mqabuko Nkomo ngomunye wabalusolayo loluhlelo esithi alumelanga luphathwe ngalindlela.
Amazwi akhe agcizelelwe ngolwela amalungelo oluntu njalo ehlaziya ezombusazwe uMnu Mthulisi Hanana.
Your browser doesn’t support HTML5
Ingxoxo loMnu Mthulisi Hanana
Sehlulekile ukukhuluma lezinduna kanye lesikhulumeli sikaMnangagwa uMnu George Charamba.