WASHINGTON DC —
Kuqahamuke udlakela endaweni ezitshiyeneyo eHarare uzulu elwisana lamapholisa ngemva kokuba abantu betshengisela besithi sebekhathele ngomumo wezomnotho welizweni.
Kubikwa kulimele abantu abambalwa, ikakhulu emizini ethi Epworth lase Zimre Park. Sizalethulela loludaba ngokugcweleyo ngokuya kwesikhathi. Lingakhohlwa ukulalela okunengi ngaloludaba emsakazweni wenu owe Studio Seven ntambama ngo7.
Lokhu kutshengisela kuza ngemva kwezehlakalo ezithe zaba khona emgwaqweni oya e Mabvuku le Ruwa,lapho abahambisa izimota ezithwala abantu bevuke ubhova kwaqhamuka ukulwisana lamapholisa,bekhonona ngokwanda kwabo emgwaqweni kanye lokuba ebahlawulisa imali enengi sikhathi sonke.