Inhlanganiso ezizimeleyo koBulawayo ngoLwesihlanu zisungule umkhankaso wokuphikisa uhlelo lukamanisipala olokufaka ama pre-paid water meters ezindlini zezakhamizi.
Amalunga enhlanganiso lezi angene ezitaladeni zamalokitshi atshiyeneyo ehamba ngezimota ebezinamathiselwe amabhakane amemezela imihlangano ezakwenziwa ezigabeni zonke zalelidolobho ngempelaviki kanye lokutshengisela okuzakwenziwa mhlaka 4 ngenyanga ezayo.
Umkhankaso lo uphiwe isihloko esithi Right to Water Campaign.
Inhlanganiso eziphatheke kuloluhlelo zigoqela iBulawayo Progressive Residents Association, eye Abammeli Human Rights Lawyers, iHabakkuk Trust lezinye.
Omunye wababoqa umkhankaso lo uMnu Mmeli Dube uchasisa kabanzi ngalumkhankaso.
Your browser doesn’t support HTML5
Ingxoxo loMnu Mmeli Dube