WASHINGTON DC —
Kulegaraji lamafutha ezimota elitshe laba ngumlotha koBulawayo ngoLwesine kanye lamaroli amabili ekade ethela amafutha kuleligaraji.
Ababone isehlakalo lesi sisenzakala bathi igaraji leRedan Service Station lilumathe umlilo ngemini yantambama ngesikhathi amaroli la eqala ukuthela amafutha.
Bathi njalo kukhanya umlilo lo ubangelwe ngomunye ubaba obetshisa insimbi duzane legaraji leli, lona elisekhoneni kaMain Street lo5th Avenue, duzane leUnity Village.
Isikhulumeli samapholisa koBulawayo uInspector Mandlenkosi Moyo uthi basacwayisisa ngodaba lolu.
Kodwa ababone lokhu kusenzakala bathi abacitsha umlilo benelise ukuwucitsha ungakamemetheki walumatha kwezinye izakhiwo.
Omunye wababone isehlakalo lesi uMnu Linox Moyo utshele lumsakazo ukuthi kubeyisimanga esikhulu ngoba akulamuntu ofileyo.
Ababone isehlakalo lesi sisenzakala bathi igaraji leRedan Service Station lilumathe umlilo ngemini yantambama ngesikhathi amaroli la eqala ukuthela amafutha.
Bathi njalo kukhanya umlilo lo ubangelwe ngomunye ubaba obetshisa insimbi duzane legaraji leli, lona elisekhoneni kaMain Street lo5th Avenue, duzane leUnity Village.
Isikhulumeli samapholisa koBulawayo uInspector Mandlenkosi Moyo uthi basacwayisisa ngodaba lolu.
Kodwa ababone lokhu kusenzakala bathi abacitsha umlilo benelise ukuwucitsha ungakamemetheki walumatha kwezinye izakhiwo.
Omunye wababone isehlakalo lesi uMnu Linox Moyo utshele lumsakazo ukuthi kubeyisimanga esikhulu ngoba akulamuntu ofileyo.
Your browser doesn’t support HTML5
Ingxoxo LoMnu Linox Moyo