Umphathisikhwama kahulumende weMelika uMnu Steven Mnuchin uthi kaboni kusiba lokuvumelana phezu kwemali yokuphathisa abantu abaphanjaniselwe impilo ngumkhuhlane weCovid-19 lamabhizimusi amancane (stimulus package) kungakayiwa kukhetho.
UMnuchin - emele uMongameli Donald Trump uphakathi kokukhulumisana lomlawuli wedale leCongress uNkosikazi Nancy Pelosi laye emela ibandla lakhe eliphikisayo elamaDemocrats.
UMnuchini uthi uhulumende ulemali engangeUS$1.8 trillion engasetshenziswa ukuphathisa abantu laba lamabhizimusi.
Kodwa uNkosikazi Pelosi lebandla lakhe bathi kudingakala imali engangeUS$2.2 trillion.
Usomabhizimusi weZimbabwe ohlala eIndiana uMnu Muzobanzi Ncube utshele iStudio 7 ukuthi ukudonselana lokhu kulimaza uzulu odinga ukuphathiswa ngemali.
Your browser doesn’t support HTML5
Ingxoxo loMnu Muzobanzi Ncube