Umthethwandaba weLabour Court unqume ngoLwesibili ukuthi kufanele uhulumende alethe ezinye ingwalo ezilezizathu eziqinileyo ezokuthi kungani esithi ukukhalala umsebenzi kwabodokotela akukho emthethweni.
Udaba lolu, oluzaqhubeka luthethwa ngoLwesine kulumthethwandaba, lukhwezwe emthethwandaba luhlangothi oluqhatsha odokotela olweHealth Service Board lumanyene lolwezisebenzi olwePublic Service, Labour and Social Welfare, kulandela ukwenqaba kwabodokotela ukubuyela emsebenzini ngoMvulo kuyonale iviki njengokutsho kukahulumende.
Odokotela bakhalele umsebenzi ekuqaleni kwenyanga edluleyo besithi iholo labo liphansi kakhulu okokuthi abasenelisi ukuqhubeka ngomsebenzi.
Ingcwethi ecubungula imithetho ephathelane lezisebenzi, uMnu. Davies Ndumiso Sibanda, uthi uhulumende kasoze abuthole lula ubufakazi bokuthi odokotela ngempela bengenelisa ukuqhuba umsebenzi nsukuzonke, ngenxa yeholo abalitholayo.
Your browser doesn’t support HTML5
Ingxoxo loMnu. Davies Ndumiso Sibanda