Namhla kuhlelo lwethu Liphuma Lendaba Litshona Lendaba sixoxa lomfundisi Useni Sibanda sihlaziya udaba lomumo wezombusazwe lokutshengisela osekwenziwa zinhlanganiso ezimbalwa ezizimelyo zisola umumo wezomnotho lombusazwe.
Kumalanga ambalwa bekutshengisela inhlanganiso ezitshiyeneyo eHarare egcekeni le Africa Unity Square kwathi kuyonale iviki inhlagnaniso lezi zilubhekise koBulawayo lapho amalunga abikwa elala egcekeni le City Hall.
Kuthi ngoLweisthathu inhlanganiso ezizimeleyo zeMasvingo zona zithi zizatshengisela lazo ngenjongo efanayo.
USibanda uthi ukutshengisela lokhu kumele kwenziwe nxa abantu belensolo ngoba belelungelo labo phansi kwesisekelo sombuso welizwe.
"Thina njengabokholo kuyasikhathaza kakhulu ngenxa yokuthi ukuswelakala kwemali omama abamele bethole amapentsheni abo, kulamaxegu, kulabantwana abamele bethole ama school fees ngakho ke kuyasihlupha kakhulu thina abezokholo," kutsho uSibanda.
Your browser doesn’t support HTML5
Uhlelo Liphuma Lendaba