Abasakhulayo abalezithupha zemfundo yaphezulu abangasebenziyo babikwa besanda elizweni ngenxa yokusilela kwemisebenzi kanye lomnotho oqhubeka ubhidlika.
Abasakhulayo laba bathi lanxa befundile, sebephila ngokwenza imisebenzi engelahlonzi njalo eyiswa ngabanengi egoqela ukuthengisa ezitaladeni.
Abanye ngabacine bebuyela futhi esikolo ukuyaqhubeka ngemfundo bebalekela ukutshona behlezi nje bengenzi lutho. UNkosazana Karen Gumbo ngomunye wabo.
UNkosazana Gumbo waqeda izifundo zakhe zeBachelors kwezenotho kodwa wathi ngokuswela umsebenzi wasebuyela njalo eNUST ukuyaqhuba izifundo zeMasters.
UMaGumbo utshele iStudio 7 ukuthi udaba lokusilela kwemisebenzi lolu kumele lulungisiswe ngokuphangisa kuvuselelwe umnotho weZimbabwe ukuze abatsha babe lempilo engcono.
Your browser doesn’t support HTML5
Ingxoxo loNkosazana Karen Nozipho Gumbo