Ukusilela kwemali amabhanga sokutshiye uzulu ethwelenzima ngokubhadaliswa imithelo eminenginengi egoqela lowemitshina yama ATM.
Imithelo ebhadaliswa nxa umuntu engathatha imali emitshineni yama ATM ivame ukuba ncane kulaleyo ehlawuliswa umuntu nxa ethatha imali phakathi sibili ebhanga.
Kodwa amabhanga amanengi abikwa esekhweze limithelo okwedlulisa amalawulo, okuze kwababazwa lokusolwa kakhulu ngusibalukhulu webhanga lesizwe, ele Reserve Bank of Zimbabwe, uMnu. John Mangudya embikweni awethule ngoLwesihlanu.
UMangudya uthi imithelo lokunye okunengi nengi okwenziwa ngamabhanga okugoqela ukwehliswa kwesilinganiso semali efakelwa umuntu nxa egcinise imali ebhanga, eyama interest rate, ngkunye osekubangela ukuthi uzulu engasahambisi imali yakhe ukuyagcinisa ebhanga njengokwenziwa kwamanye amazwe okuyinto eyayivamile laseZimbabwe umumo womnotho ungakami manzonzo.
Ukuhlaziya loludaba uChris Gande weStudio Seven uxoxe lengcwethi ecubungula ezomnotho, uMnu. Masimba Kuchera.
"Usibalukhulu weRBZ ugcizelele ukuthi okwenziwa ngamabhanga ukucharger abantu amafees amanengi, benganiki abantu amainterest emalini abayabe beyigcinisile ebhanga yikho osokubangela ukuthi abantu bakhethe ukuzigcinela izimali zabo bengazisi emabhanga" kutsho uKuchera.
Your browser doesn’t support HTML5
Udaba lokusilela kwemali emabhanga eZimbabwe