Udaba lokuvuselelwa kohlelo lweNational Youth Service loqhubeka lusegudwini abamabandla aphikisayo ikakhulu eleMDC Alliance besithi uhulumende uqoqa ukusebenzisa abasakhulayo abazaphatheka kuloluhlelo ukutshaya abantu kukhetho luka2023.
Abasakhulayo baziwa ngokusetshenziswa yiZanu PF eminyakeni edluleyo ukuhlukuluza abamabandla aphikisayo ngezikhathi zokhetho. Betheswa njalo amacala okubulala abasekeli beMDC.
Kodwa uhulumende uthi ujonge ukufundisa abasakhulayo laba, abaziwa ngokuthi nagamaGreen Bomber, imisebenzi yezandla lembali yelizwe.
Umsekeli wesikhulumeli seMDC Alliance uMnu Felix Magalela Mafa Sibanda utshele iStudio 7 ukuthi abalakuthandabuza ukuthi ngokuphendukisa uhlelo lolu, iZanu PF iqoqa udlame.
Your browser doesn’t support HTML5
Ingxoxo loMnu Felix Magalela Mafa Sibanda
Ilunga leZanu PF uMnu Malaki Nkomo ukulandule ukuthi balungiselela ukutshaya abantu kukhetho oluzayo.
Your browser doesn’t support HTML5
Ingxoxo loMnu Malaki Nkomo